ആക്രമണത്തിന് ഇരയായ യുവതി വിധവയും രണ്ടു കുട്ടികളുടെ അമ്മയുമാണ്. കഴിഞ്ഞ ജനുവരിയിലാണ് ഇവരുടെ ഭർത്താവ് ശിവകുമാർ മരിച്ചത്. ഇതേ തുടർന്ന് ഭർതൃസഹോദരൻ സതീഷിന്റെയും കുടുംബത്തിന്റെയും കൂടെ ബെനസ്വാടിയിലാണ് യുവതിയും കുട്ടികളും താമസിച്ചിരുന്നത്.
ബുധനാഴ്ച്ച സഹോദരന്റെ ഭാര്യ പ്രമീളയും യുവതിയും തമ്മിൽ വഴക്കുണ്ടായിരുന്നു. യുവതി ലൈംഗിക തൊഴിലാളിയാണെന്ന് ആരോപിച്ച് യുവതിയോട് കയർത്ത പ്രമീള ഇവർക്ക് നേരെ ഇവർ ചെരുപ്പും കല്ലുകളും എടുത്ത് എറിഞ്ഞു. ഇതോടൊപ്പം പ്രമീളയുടെ മകളും ആക്രമണത്തിന് കൂടി. ശിവകുമാറിന്റെ സഹോദരനാണ് യുവതിയുടെ വസ്ത്രങ്ങൾ അഴിച്ചു കളഞ്ഞത്. ഉടൻ തന്നെ വീട് വിട്ട് ഇറങ്ങണമെന്നും പ്രമീള യുവതിയോട് ആവശ്യപ്പെട്ടു. യുവതി തൊഴിൽ രഹിതയാണ്.
ഈ സംഭവത്തിനു ശേഷം യുവതി പ്രമീളയ്ക്ക് എതിരെ ബനസ്വാടി പൊലീസിൽ പരാതിപ്പെട്ടിരുന്നു. ഇതിൽ പ്രകോപിതരായാണ് സഹോദരനും പ്രമീളയും ഇവരുടെ കുട്ടികളും യുവതിയെ ആക്രമിച്ചത്. യുവതിയുടെ കുട്ടികൾ സംഭവങ്ങൾ മൊബൈലിൽ റെക്കോർഡ് ചെയ്തിട്ടുണ്ട്.
